Збор – Македонски Krimi Film. 2015 Godina. Сместен во криминалистичкиот жанр, филмот „Збор“ трае 86 минути и ја раскажува приказната за двајца пријатели: Горди – кој го почитува законот и кој сака да се обезбеди за староста што доаѓа, но и да ја обезбеди иднината на неговата ќерка Александра, и Арно – некогашен легионер, човек без вера ни закон. Приказната открива дека Горди баш и не го почитува законот и дека Арно, сепак, има еден закон – дадениот збор, кој ќе го почитува на свој, крвав, начин. „Постојат три типа луѓе: Едни што даваат збор затоа едноставно не знаат да кажат не, други ти даваат збор ко што велат добар ден и во истиот момент забораваат дека ти дале збор, и на крај ги имаш оние што бројат до 10 пред да отворат уста – е тие мислат дека е подобро да си го пресечеш јазикот, отколку да си го прекршиш зборот што си го дал“. Главните улоги во филмот ги толкуваат Сенко Велинов (во улога на Арно), Диме Илиев (во улога на Горди), Игор Стојчески, Ана Стојановска, Ванчо Петрушевски, Илбер Муртези, Гораст Цветковски, Катерина Шехтанска, Роберт Вељановски. Како Директор на фотографија се потпишува Дејан Димески, а зад музиката стои Горан Трајкоски.