صابر معاك صبرا طويل كاتم العلى واصلوا العلى ما مرّ يوم بخيال بشر لو قلتى قيس والله قيس بالنسبة لى لا شاف عذاب لا ضاق ألم لا قاسى مر ::::::::::::::::::::::: من كم سنة يا ستنا من كم سنة عايش معاك زى الغريب وايامى لافيها الضنا من كم سنة قلبى الحزين زى اليتيم لا ضاق حنان لا شاف هناء ::::::::::::::::::::::: من كم سنة ما قلتى لى اخبارك أيه مالك مشيت من حينا لا جيتى مارة علينا يوم زرتينا يا جارة الهنا ولا قلتى يوم أسأل عليهو الزول قريبنا ومننا ::::::::::::::::::::::: معذورة يا ست البنات يا ست عقابنا وكلنا مخلوقة انتى تعيشى فوق وتكونى فوق ما جنبنا ما ست سماحة ست الجمال ما زى بناتنا وزينا تعبانه ليه ؟ ما تأسلى .. مجبور عليك بسأل أنا ::::::::::::::::::::::: أروح أجيب ضوء النجوم منظوم عقود لي بتنا حزمة صباح فرح العطور وأمشاط حرير لي ستنا ::::::::::::::::::::::: أصير جميل علشان عينيك ينساب موسيقى ودندنة شاعر عشان خاطر بسيمتك يقول حروفو عليك الغنا إحساسنا ليك وشوقنا ليك لكن قلوب ماعندنا ياست عذابنا وستنا