毒梟羅孝勇潛逃遇上追殺 挑戰演雙面人角色嗌好玩 森Sir 陳展鵬 喺《逆天奇案2》單元入面，為咗追捕準備坐遊艇潛逃嘅毒梟 羅孝勇 ，不惜單人匹馬去到碼頭捉人，點知同時遇上要追殺Sheldon嘅黑幫人馬，兩個誓不兩立嘅人被迫要暫時同一陣線擊退黑幫，發生激烈槍戰，Sheldon都話劇情講到佢唔走唔得，而呢幕係最多槍戰戲份。 展鵬都話呢幕劇情相當揼本，仲出動埋遊艇，不過令成個畫面層次提高，而今次亦係佢同Sheldon初次交手，佢覺得劇中角色好適合Sheldon去演。Sheldon表面係買賣藝術品商人，但其實係南美毒梟，佢話呢個角色好好玩，要有雙面人演繹，一面要有藝術修養，另一面就係黑幫大佬。以往演打鬥角色，佢都會問劇組使唔使修身，不過今次唔使修身之餘，劇情仲安排佢不停食各國美食，唔怪得之拍得咁開心。 #逆天奇案2 #羅孝勇 #陳展鵬 #毒梟 #潛逃 #追捕 #槍戰 #游艇 #藝術修養 #黑幫大佬 #TVB #娛樂新聞 #TVB娛樂新聞台 #ENews #HKENews #香港娛樂八卦新聞 #八卦新聞 即刻Follow TVB 娛樂新聞台 Facebook專頁 https://www.facebook.com/TVBENews 登入myTV SUPER享受睇TVB自製節目7日包括娛樂新聞的免費點播 https://bit.ly/2TXLlM0