هاضني طرق قـديم معا زيـن الـقصيد وشاله الــداوي بـصـوته وجاب الـحونها شـاعـره جـوفـان ماهو لـنا شـعر جـديد طـقو الــدمــام تـكـفـون هــاتـو لـونـهـا وانـشدو فــي مـمـلكتنا تـراه الـيوم عـيد تــحـتـفـل به مـمـلـكـتنا بــكل زيــونـهـا للوطن تـاريـخ والـيوم فـي عـمره مـجيد يــوم ابو تـركي جـمع لـه شـتات ركـونها وارتـوا عـــوده وشبة على العهد الرغيد وازهرت عـقـب الـمـحل والـثمر يـجنونها وخادم البيتين سلمان في حكمه سديد بالحزم والعزم شيّد طوال حصونها والبطل وال العهد هو يمينه والعضيد محمد اللي رؤيته واضحٍ مضمونها زاهي به كل قولٍ ويزهاه النشيد من مضاريبه عدانا تثج طعونه مملكتنا صار له شان بالعالم فريد والعرب لا صابهم معضلة ينصونها وعــسـاهـا مـمـلـكـتنا تــــدوم وتـستزيد عزها نذر علينا ونثني دونها الشاعر حمد العيد