تصريح خالد الجامعي الخطير حول الفساد بالمغرب و الملكية لاول مرة و علاقة محمد السادس بدلك رسالة مفتوحة من خالد الجامعي إلى الملك محمد السادس لقد طفح الكيل. . وبلغ السيل الزبا. . ولم يبق في قوس الصبر منزع سيدي، الصحافي المخضرم والمتتبع للشنو كيوقع فالساحة السياسة وتكلم بسخرية على هادشي ديال المفاوضات. الجامعي اعتبر أن تحالف شباط مع ابن كيران واللي سبق لشباط اتهمو بالانتماء لداعش ماعندو معنى. وبأنه فالدول الديمقراطية اللي كاتحترم راسها، كيتم فتح تحقيق فهاد النوع من الاتهامات ماشي غا اللي رشقت ليه يبقى يتهم فعباد الله. الجامعي اعتبر باللي شباط ولشكر وابن كيران كيتفلاو على المغاربة بهادشي اللي كيديرو وكيعتبرو باللي المغاربة “مكلخين ومراض بالزهايمر”، وباللي هادشي فالنهاية ماكيستحقش الواحد يهتم به ويهضر فيه بالمعقول لأنهم غير كيتفلاو علينا وكيكذبو على المغاربة. البام آش كيقول فهادشي ديال التحالفات؟ فالوقت اللي أعلن فيه حزب الأصالة والمعاصرة فالليلة ديال إعلان نتائج الإنتخابات بأنه لا تحالف مع البيجيدي، ناضو إخوان ابن كيران وقالو بأنهم غادي يتلاقاو بكاع الأحزاب باستثناء البام. خالد أدنون، الناطق الرسمي باسم التراكتور فاتصال مع “بابوبي” وتعليقا على المفاوضات اللي بداها ابن كيران مع الأحزاب السياسية قال بأن “الأحزاب هي سيدة نفسها” وبأن القرار كيرجع ليهم هوما، موضحا أن البام ماعندو حتا شي علاقة بهاد المفاوضات لا من قريب ولا من بعيد، وكذب فنفس الوقت الأخبار اللي راجت البارح واللي كانت كتقول باللي البام كيضغط على الاستقلال والاتحاد الاشتراكي باش مايدخلوش للحكومة. أدنون قال باللي المهم بالنسبة للبام من هادشي ديال المفاوضات هو يتم تشكيل حكومة متجانسة كاتعطي الأولوية للمصلحة ديال البلاد. وتعليقا على الكلام ديال أن تحالف الإستقلال والاتحاد الإشتراكي مع البيجيدي غادي يخلق للبام “عزلة سياسة” ، أكد أدنون باللي البام ماغاديش يلقى راسو فعزلة لا برلمانيا ولا سياسيا، على اعتبار أن الحزب ولى كيشكل قوة سياسية معارضة مهمة فالمشهد.