0:00-0:39 intro 0:40-3:41 打皮 Cake Crust 3:42-13:11 包月餅 Stuffing 13:12-14:46 壓模 Mould Press 14:47-18:12 焗月餅 Baking 18:13-20:23 包裝 Packing 就嚟到中秋節，係時候講吓月餅。時代唔同咗，月餅嘅口味要幾新奇都有，不過中環蓮香樓呢間老字號都仲堅持喺香港出品最傳統嘅雙黃黃蓮蓉月餅。 每年八月，師傅就已密羅緊鼓製作數千個月餅，十幾歲就入行整餅、有幾十年經驗嘅興師傅就話要做一個靚嘅雙黃黄蓮蓉月餅用料同技巧都好緊要。先講月餅皮，佢哋原來仲加入咗用普洱茶煮過再發酵嘅糖漿，令味道更香、色澤更靚；至於蓮蓉，雖然今年已因人手、地方等因素由自家炒製變成代工，不過都堅持沿用自家配方，以湘蓮、糖、花生油等炒成，比例剛好，清香幼滑無燶味，蛋黄都精挑由相熟供應商提供、油潤大粒嘅版本。包月餅都好考師傅手工，師傅要將餅皮推薄（好似整菠蘿包個皮咁），再包入蓮蓉同個蛋黃，包嘅過程要用陰力兼好有技巧，外皮先唔會穿又做到皮薄餡靚嘅效果。焗好嘅月餅原來唔係即刻食最好，仲要等佢「回油」 — 即係將月餅閒置起碼一日，等餅皮吸收餡裏面嘅油分同水分，令餅皮變得柔軟同有光澤。 順帶一提，蓮香樓仲有買少見少嘅燒雞月餅同豬籠餅賣，亦都有與時並進供應埋奶黃月餅，大家去開中環不妨去支持下。 蓮香樓 Lin Heung Lau 地址 Address：中環威靈頓街160-164號地舖 160-164 Wellington Street, Central 電話 Contact：21160670 / 34915855 #港食記 #月餅 #蓮香樓 #中環 #中秋節 #香港製造 #香港美食 #香港 #midautumnfestival #midautumn #mooncake #hongkong #hongkongfood #madeinhk #LKF 更多食物製作影片 https://youtu.be/mRxdyTLkMZk https://youtu.be/OmocIUkUTR4 https://youtu.be/bgLyqcgwa_k https://youtu.be/IucEkI5YfTs https://youtu.be/jZP3PU5Aguk 想知更多食物製作過程，即刻Follow《港食記》 →YouTube: bit.ly/3IDgSbO →Instagram : bit.ly/3Tyd3uE