اسرار الكشري المصري 👌 تسويه الارز وصلصة الكشري والبصل المقرمش والدقه هتلاقي اجابه لكل الاسئله اسرار محلات الكشري (فلفله الرز وقرمشه البصل ) ماحدش هيقولك عليها غيري 👌 👌 الكشري المصري ▪️▪️▪️ اولا هنبدا بالبصل او الورد 🧅 عباره عن بصل ابيض مقطع شرائح رفيعه وعليه رشه ملح ينزل بحزء منه في زيت غزير ساخن جدا ويقلب باستمرار لما ياخد اللون الذهبي الفاتح نرفعه ويصفي جيدا من الزيت ويفرد علي وعاء او طبق ليجف ،،،،،،،، ثانيا الصلصه 🍅 الصلصه من الحجات ال بتميز الكشري المصري لو اتعملت مظبوطه وهي عباره عن لتر عصير طماطم نصف راس ثوم او ملعقه كبيره ثوم مفروم ناعم جدا نصف ملعقه صغيره كسبره جافه ناعمه رشه كمون ملح وبهار الكشري ال هكتبه ليكم فالاخر في وعاء ننزل بعصير الطماطم ويرفع علي النار مع الغليان ولما يغلي ويركز هنجهز طشه وهي عباره عن ملعقتين كبار زيت البصل يسخن في وعاء ننزل بالثوم عليه الكسبره يقلب لما ياخد اللون الذهبي الفاتح او يبتدي يلون ننزل بيه عالطماطم مثل طشه الملوخيه وننزل بالملح ورشه كمون وربع ملعقه من بهارات الكشري تغلي غلوه مع الطماطم نطفي النار وكده الصلصه جاهزه بالنسبه للارز بتاع الكشري وطريقته في المحلات مختلفه تماما عن البيت وهي انهم بيسلقوا الارز زي المكرونه بالظبط الطريقة كوب من الارز يغسل ويغلي حوالي ثلاث اكواب ماء وننزل بالارز نكون محمرين الشعريه وجاهزه ننزل بعد الارز بخمس دقائق ثم نضيف ملعقه صغيره ملح ونقلب وبعد تسع او عشر دقائق نختبر سوا الارز لو استوي نطفي عليه النار علي طول ويصفي بمصفاه من المار ويفرد يتهوي ثم يجهز له تطعيمه في طاسه ننزل بملقتبن زيت وننزل بملعقه صغيره من الثوم مفروم ناعم جدا وعليه رشه كسبره جافه ويقلب لما تاخد اللون الذهبي ننزل بيها عالارز ونقلب جيدا وكده الارز جاهز معانا والارز هنا بيكون طري مش ناشف زي ال بنعمله مفلفل حتي لما تاكلوه في محلات الكشري تحسوه طري لكن لو المحل زاد عليه التسويه بتحسو الارز معجن صح ولا ايه ؟؟ ،،،،،،،،،،،، المكرونه المكرونه بتاعت الكشري بتكون مكرونه اسباجتي سميكه ودي بتكون مكرونه سايبه وبتجبيها من العطار بتقوليله عايزه مكرونه اسباجتي بتاعت الكشري بناخد جزء من الاسباجتي وبنسلقها مع جزء من المكرونه الصغيره في ماء مغلي ننزل بملعقتين زيت من زيت البصل وملعقه ملح وبعد حوالي تسع دقائق ندوق لو استوت علي طول بصفي المكرونه عشان متعجنش ونشطفها جيدا ثم يوضع عليها ملعقتين زيت من بتاع البصل المحمر ويقلب ،، ،،،،،،،،،،، العدس بجبه 👌 وده بردوا طريقته مختلفه تماما عن البيت حتي شكله مختلف في المحل كوب عدس بجبه او بني فصين ثوم في وعاء نغلي ماء وننزل بالعدس بعد ازاله الشوائب وشطفه جيدا مع فصين الثوم ويترك يستوي تماما بعد ما استوي يتصفي ويرجع تاني الوعاء مع التقليب ونهدي عليه النار تماما عشان ميشيطش ونضع عليه ملعقه زيت واحده من زيت البصل المحمر ونصف ملعقه ملح ويقلب بياخد وقت شويه وبعدين لونه هيفتح ويبدا يتفتح بهراسه ونهرسه وبعدين نطفي عليه النار ونفرده علي طبق الحمص يفضل لو ينقع ساعه قبل السواء او ساعتين. ثم يشطف ويسوي في ماء مغلي مع فصين ثوم لما يستوي تماما نضع عليه ملح وبكده بيكون جاهز ، ،،،،،،،،،، الدقه 🍾 ودي بتكون من الحجات ال بتميز طبق الكشري ودي في محلات بتعملها عالبارد ومحلات بتعملها عالساخن عالبارد ➖➖ ممكن ناخد كوب ماء حمص الشام او ماء ساخن عادي ننزل فيه بملعقه ثوم مفروم خشن مع ملعقه صغيره كسبره جافه ونصف ملعقه كمون وربع ملعقه بابريكا اختياري وربع كوب خل وملعقه ملح يقلب كله مع بعض ويعبا في زجاجه الطريقة عالساخن في طاسه ننزل بملعقه كبيره زيت ممكن استخدام زيت البصله ويسخن ننزل بملعقه ثوم مفروم خشن مع ملعقه كسبره جافه تقلب تقلبيه من غير الثوم مايلون ننزل عليه بربع كوب خل وحوالي كوب ماء ممكن ماء الحمص او ماء عادي ونقلب نطفئ النار نضع الملح ونصف ملعقه كمون ورشه بابريكا اختياري وبكده بتكون جاهزه تعبأ في زجاجه شطه الزيت 🌶️ عباره عن طاسه عالنار نضع فبها ربع كوب زيت وننزل بملعقه شطه حاميه كبيره ونقلب نطفي النار ونضع عليها اقل من ربع ملعقه ملح وبكده معانا شطه الزيت وعشان نجهز الشطه العاديه بناخد جزء من شطه الزيت وناخد جزء من الصلصه بتاعت الكشري حوالي ثلاث ملاعق ونزود عليها ثلاث ملاعق خل وبكده تكون جاهزه معانا الخبز المحمص🌹 عباره عن عيش شامي او عيش سوري او تورتيلا يقطع بالمقص علي شكل مثلثات وينزل في زيت غزير ساخن مع التقليب علي طول ونطلعه نرشه بملح مع كمون مع شطه او بابريكا هو ساخن الخيار المخلل السريع وده المفروض بنجهزه قبل البدء في عمايل الكشري عشان يكون جهز عباره عن كوبين ماء مغلي ننزل علي الماء لما يغلي بربع كوب خل وملعقه ملح كبيره وفص ثوم ويقلب يطفي النار وننزل بربع كيلو خيار مقطع شرائح ولما نعمل الدقه والشطه ضيفي منهم ملعقه بيدي طعم جميل للخيار ،،،،،،،، بهارات الكشري ملعقه كبيره كمون ربع ملعقه صغيره قرفه ملعقه كبيره كبابه صيني او بهار حلو نصف ملعقه صغيره جنزبيل ملعقه كبيره ورق لورا ملعقه كبيره زر ورد ملعقه صغيره قرنفل ملعقه صغيره حبهان يطحن ناعم جدا ونااخد علي صلصه الكشري منهم اقل من ربع ملعقه للتر الطماطم والباقي نحطه في برطمان ونقفله كويس ويتشال في الثلاجه وعلي فكره هي بتتباع دلوقتي جاهزه عند العطار وانا احيانا بضيف رشه خفيفه جدا من بهارات اللحمه مكانها لو مش متوفره قولولي عايزين ايه تاني ؟؟ في النهايه قولولي كنتوا تعرفوا الاسرار دي ؟؟ متنسوش تصلوا علي النبي 🌹 #الكشري_المصري_الاصلي #طريقة_عمل_الكشري_المصري_مثل_ابمحلات #ماهي مكونات طبق الكشري #كشري#الكشري #مطبخ_شيري Sherry's kitchen وصفات_سريعه_سهله ازاي اعمل كشري زي المحلات ،ماهي مكونات صلصه الكشري المصري ،ازاي اعمل مكرونه الكشري ،طريقه عمل الكشري المصري مثل المحلات ،طريقة عمل الكشري المصري مثل المحلات ،طريقه عمل الكشري المصري في البيت نفس طعم المحلات ،كيف اسوي مكرونه